Volven as actividades do Apego con concertos, contacontos, rutas e obradoiros para as familias con nenos e nenas de 0 a 6 anos. A primeira actividade é o vindeiro domingo 26 de febreiro ás 12.00 horas no Auditorio Gabriel García Márquez de Mera, o concerto de Paco Nogueiras C@nto contigo.
As familias interesadas en acudir, poden preinscribirse na web municipal. Os dous primeiros días de inscrición terán preferencia as familias inscritas no Apego.
